"Оқуға құштар мектеп", "Балалар кітапханасы"жобасы аясында және кітапхана жұмысының жартыжылдық іс-шаралар жоспарының есебі

2024-2025 оқу жылына кітапхана жұмысының жылдық жоспары «Оқуға құштар мектеп» жобасы және «Балалар кітапханасы» жобасын іске асыру, насихаттау барысында жылдық іс-шаралар жоспары жасалып, бекітілді. Кітапхана қоры 2024-2025 оқу жылында 3 -ші сыныптарға 452 дана екі бөлімде (қазақ және орыс) жаңа бағдарлама және саит арқылы сұраныс жасау аясында әзірленген үш «Алматыкітап», «Атамұра», «Oxford» баспамен басып шығарылған оқулықтармен , «Арман ПВ» баспасынан әзірленген 5-9шы қазақ, орыс сыныптарына «ЖаҺандық құзыреттер», « Глобальные компетенции», қосымша 10-11ші сыныптарға ҚГБ (қоғамдық гуманитар бағыты) оқулықтарымен қамтылды.

Басты мақсатымыз – мектеп оқушыларын оқулықтармен, көркем әдебиеттермен, электронды оқулықтармен қамтамасыз ету. Биылғы оқу жылында барлық оқушыларға оқулықтар толықтай таратылып берілді.

Сыныптарға оқулықтар тарату пайыз көрсеткіші төмендегіше:

1 қ/б – 100 % 1 о/б –100 %

2 қ/б – 100 % 2 о/б -100 %

3 қ/б – 100 % 3 о/б -100 %

4 қ/б – 100 % 4 о/б - 100 %

5 қ/б - 100 % 5 о/б -100 %

6 қ/б - 100 % 6 о/б -100 %

7 қ/б – 100 % 7 о/б - 100 %

8 қ/б – 100 % 8 о/б - 100 %

9 қ/б – 100 % 9 о/б -100 %

10 қ/б – 100 % 10 о/б-100 %

11 қ/б – 100 %

Сонымен қатар жылдан жылға заман талабына сай,оқырмандар сұранысы аясында көркем ,балалар әдебиеттері қордың санын толықтыруда. Қабылданған оқулықтар мен көркем әдебиеттер өңделіп, кітапхананың жиынтық есеп кітабына тіркелді. Кітапхана жұмысы жалпы мектептің жұмысымен, ұжымымен және оқушылармен тығыз байланысты жүруде. Кітапхана күнделікті статистикалық есеп жүргізіп отырады. Бұл есеп кітапхана қорының қозғалысы мен оқырмандардың құрамын, санын айқындайды, кітап беру және библиографиялық жұмыстың мөлшерін айқындауға мүмкіндік береді.

Оқушыларды кітап оқуға тарту, қызығушылығын арттыру және оқу мәдениетін қалыптастыруына кітапхана кітап көрмелерін, тақырыптық сөрелерін ұйымдастырады,сынып сағаттарын,мектепішілік іс-шараларды өткізуге көмек көрсетеді. Жарты жыл көлемінде атқарылған жұмыстар:

Қыркүйек айының 5де Тілдер күніне байланысты мектепішілік іс-шара ұйымдастырылып, ол жерге «Қазақстан халықтарының тілдер күні» тақырыбына көрме қойылып, көрмедегі баспасөз материалдары, кітаптарға шолу жасалды. Көрмеге «Ана тілім – ардағым», «Туған тіл әр ұлттың мақтанышы», «Тілдерді қолдану мен дамытудың арналған мемлекеттік бағдарламасы», «Білімдіден шыққан сөз», мақал-мәтелдер, жұмбақтар т.с.с. көптеген мақалалар қойылды.Мақсаты: оқушыларды өлең оқып, ана тілі туралы ән айтуға баулу, тіл туралы мағлұматтармен бөлісу.

«Тіл халықтың тірегі» атты көрме қойылды.

1-ші сынып оқушыларын кітапханамен таныстырып, саяхат ұйымдастырылды.

Мектеп фойесіндегі QR код арқылы оқылатын кітаптармен де таныстыру жұмысы жүргізілді. Қалалық білім бөлімі тарапынан берілген тапсырмалар аясында және де әлеуметтік желілер парақшаларында ұйымдастырылған «онлаин» оқушылар байқауларға қатысуда, олар: Мағжан, Абай, Ілияс оқулары. Қазан айында мерейлі жасқа толған балалар жазушысы Б.Соқпақбаевқа арналып кітап көрмесі әзірленді.

Оқушылар көрме жанында жазушының шығармаларын оқып, ой бөлісіп, сұрақтар- жауаптар алу шарасына қатысып, соңында кітаптар жаздырып алды.

Сонымен қатар қорды толықтырған жаңа көркем әдебиеттер көрмесі ұйымдастырылып, кітаптарға шолу жұмысы жүргізілді.

Қазан-қараша айларында білім бөлімі тарапынан берілген бюджеттік тапсырыс бойынша кітапханаға және де жекелей ұжым 2025 жылға газет-журналдарға жазылу жүргізілді.

19 қарашүа күні қалалық білім бөлімінің хаты негізінде «Тарихтан туған рәміздер» тақырыбында көрме ұйымдастырылып, көрмеге шолу жүргізілді.

16 желтоқсан -Тәуелсіздік күніне байланысты «Тәуелсіздік – баға жетпес байлығым» атты тақырыпта кітап көрмесі ұйымдастырылып мақалалар, өлеңдер және папкалар жинағы көрмеге қойылды.

2024 жылғы 10 желтоқсан №01-03/1006 Жамбыл облысы әкімдігінің білім басқармасының оқу-әдістемелік орталығы Қазақстан суденттерінің Альянсы ұйымдастырумен өткізілген «Бейсен және болмыс» тақырыбындағы кітап сайысына 8 А сынып оқушысы Маралбек Амина қатысып жүлделі сыйлыққа ие болды. Сайыстың мақсаты: жастарды адамгершілікке, ізгілікке , жақсылыққа тәрбиелеу.